Қандастар Ассамблея

Нұр-Сұлтанда шахматтан турнир өтті

Фото: Елорда әкімдігінің ресми сайты 23.06.2022 75
Турнирді «AMANAT» партиясы ұйымдастырды.

Елордада «AMANAT» партиясының ұйымдастыруымен балалар мен жастар арасында шахматтан «AMANAT CUP» бірінші республикалық турнирі өтіп, жеңімпаздары анықталды, – деп хабарлайды El.kz. Бұл туралы елорда әкімдігінің ресми сайты хабарлады.

Елорданың басты символы – «Бәйтерек» монументінің алаңына турнирдің 200 қатысушысы, халықаралық гроссмейстерлер Жансая Әбдімәлік, Бибісара Асаубаева және Дәрмен Сәдуақасов, сондай-ақ көрермендер және шахмат спортының әуесқойлары жиналды.
Турнирге қонақ ретінде еліміздің белгілі шахматшылары қатысып, жиылған қауымға арнап қолтаңба сессиясын өткізді.


Шахматшыларды құттықтау үшін партияның Атқарушы хатшысы Асхат Оралов, ҚР Парламенті Мәжілісінің депутаты Жұлдыз Сүлейменова. Сондай-ақ жастар ұйымдарының өкілдері келді.

Турнир қатысушылардың жас ерекшеліктеріне қарай бөлініп, өзара үздіктерді анықтады. Турнирдің қорытындысы бойынша «AMANAT CUP» алғашқы жеңімпаздары түрлі категориялар бойынша марапатталды.

Ұқсас материалдар