Жаңалықтар

Маңғыстауда 8 жасар баланы қатарластары соққыға жыққан

Маңғыстауда 8 жасар баланы қатарластары соққыға жыққан
Фото: ©El.kz/Ғазиз ШАКИРОВ 26.04.2024 09:16 5310

Маңғыстау облысындағы ауылда балалар алаңында ойнап жүрген оқушы соққыға жығылды, деп хабарлайды El.kz ақпарат агенттігі.

Lada.kz мәліметінше, 8 жасар ұл бала жақын маңдағы ауруханаға жатқызылған, дәрігерлер оның балтыры екі жерден сынғанын, басынан жарақат алғанын және денесі жырылғанын айтады.

Ұлымның сөзіне қарағанда, оны үш қатарласы ұрып-соққан. Олар алдымен баламның жергілікті тұрғын емес екенін айтып, неше түрлі сөзбен тіл тигізген. Ұлым да оларға жауап қатқан. Кішкене уақыттан соң балам інісін ертіп үйге қарай бағыт алған. Осы сәтте сол балалар тағы тиіскен. Екеуі ұлымның иығынан ұстап тұрып, үшіншісі жүгіріп келіп қабырғасынан тепкен. Ұлым құлап қалғанымен, орнынан тұрып қашпақ болғанда, әлгілер қуып жетіп алып, тепкенің астына алған, — дейді баланың анасы.

Бөлісу:
Telegram Қысқа да нұсқа. Жазылыңыз telegram - ға