Қазақстандық теннисші Сесиль Каратанчева WTA рейтингінде 16- орынға көтерілді

Қазақстандық спортшы Ярослава Шведова әйелдер арасындағы теннис қауымдастығының жаңартылған рейтингінде (WTA) 52 аптаның қорытындысы бойынша 6 сатыға төмендеп қалды.

Қазақстанның бірінші нөмірлі ойыншысы 67-орыннан 73-ге сырғыды. Ал басқа қазақстандық теннисшілер WTA рейтингінде өз көрсеткіштерін жақсартты. Галина Воскобоева 82-орыннан бір сатыға, Юлия Путинцева 92-орыннан 90-ға, ал Зарина Дияс 207-орыннан 204-орынға көтерілді.

 Қазақстандық теннисші қыздардың бірі - Сесиль Каратанчева бірден 16 орынға жоғарылады. Енді ол 121-орынға тұрақтады. Қазақстандық теннисші Карлсбадтағы WTA турнирінің 1/8 финалына дейін жетіп, онда австралиялық Саманта Стосурға есе жіберген болатын. Нәтижесінде австралиялық спортшы 13-орыннан 11-ге көтерілді.

 WTA рейтингінде америкалық Серена Уильямс көш бастап тұр. Ал Беларусь теннисшісі Виктория Азаренко ресейлік Мария Шараповадан басым түсіп, екінші орынға көтерілді. Бірінші ондықта одан өзге өзгерістер жоқ.

 52 аптаның қорытындысы бойынша WTA рейтингісі. 5 тамыз:
1 (1). Серена Уильямс (АҚШ) - 11245 ұпай,
2 (3). Виктория Азаренко (Беларусь) - 8805,
3 (2). Мария Шарапова (Ресей) - 8765,
4 (4). Агнешка Радваньска (Польша) - 6165,
5 (5). Ли На (Қытай) - 5555,
6 (6). Сара Эррани (Италия) - 5100,
7 (7). Петра Квитова (Чехия) - 4385,
8 (8). Марион Бартоли (Франция) - 4365,
9 (9). Ангелика Кербер (Германия) - 3920,
10 (10). Каролина Возняцки (Дания) - 3660,
... 73 (67). Ярослава Шведова (Қазақстан) - 878,
81 (82). Галина Воскобоева (Қазақстан) - 806,
90 (92). Юлия Путинцева (Қазақстан) - 723,
121 (137). Сесиль Каратанчева (Қазақастан) - 572,
204 (207). Зарина Дияс (Қазақстан) - 276.

ҚазАқпарат.

Қысқа да нұсқа. Жазылыңыз telegram - ға