Қазақстандықтар «Ақтөбе» мен «Брейдаблик» арасындағы ойынды тамашалай алмауы

Исландиялық «Брейдаблик» ФК «KAZsport» телеарнасына 8 тамызда «Ақтөбе» ФК-мен өтетін матчтың тікелей көрсетілімін ұйымдастыру туралы сауалға ресми жауап берді, деп хабарлайды Sports.kz. 

Исландия телевидениесі аталған ойынның түсірілімін жоспарлап отырған жоқ. «KAZsport» телеарнасы телесигнал алмасу – 1 тамызда Ақтөбеден көрсетілім ұйымдастыру жөнінде ұсыныс жасаған болатын. Бірақ, исландықтар бұл ұсыныстан бас тартты. 

«KAZsport» телеарнасы осы ойынды түсіріп, сигналды Қазақстанға көтеретін серіктестері арқылы Исландиядан көрсетілім ұйымдастыруды пысықтап жатыр. Қазіргі уақытта бұл көрсетілімді ұйымдастырудың құны есептелуде. 

Еске сала кетсек, кеше Еуропа Лигасының үшінші іріктеу кезеңінде «Ақтөбе» өз алаңында исландиялық «Брейдабликпен» ойнап, 1:0 есебімен жеңіске жеткен болатын. Жауапты ойын 8 тамызда өтеді.  

bnews.kz

Қысқа да нұсқа. Жазылыңыз telegram - ға