Павлодарда жасотандықтар «Кітап оқитын аула» шарасын қолға алмақ

Павлодарда «Кітап оқитын аула» шарасы басталмақ. Оған жасотандықтармен қатар «Замандас» ардагерлер клубы мұрындық болып отыр.

«Нұр Отан» партиясының жастар қанаты «Кел, жастар, оқылық!» республикалық науқанының аясында балалар арасында кітап оқуды дәріптеуге мықтап кіріспек.

Игі бастаманы ұйымдастырушылар шаһардағы аулаларда ертегілер оқып, оның мазмұнын балалармен бірлесе талқылауды көздейді. Ал шараға қатысушыларға сыйлық ретінде кітаптар тарту етілмек.

«Жазғы демалыс кезінде балалармен аталмыш сабақтарды өткізу қажет және ол маңызды, - деп атап өтті «Жас Отан» ЖҚ атқарушы хатшысының орынбасары Данияр Айтышев. - Балаларды кішкентайынан кітап оқуға дағдыландырған жөн. Кино туындылар кітапты алмастыра алмайтыны хақ. Кітап қиялдауға жетелеп, ойлауға мәжбүрлейді. Сондықтан біз кітаппен қалалық аулаларға баруды ұйғардық.

ҚазАқпарат.

Қысқа да нұсқа. Жазылыңыз telegram - ға