Қазақстанның өз "Facebook-ы" болады

"Халықаралық бағдарламалар орталығы" АҚ-ның президенті Саясат Нұрбектің пікірінше, бұл "LinkedIn", "Facebook" сияқты үлкен әлеуметтік желілер іспеттес Қазақстанның тұңғыш ірі әлеуметтік желісіне айналады.

Бұл ақпарат "Болашақ" бағдарламысының түлектеріне арналған "ASTANA JOB FAIR-II" бос жұмыс орындарының жәрмеңкесі барысында белгілі болды, деп хабарлайды BNews.kz.
"Осы жәрмеңкенің қарсаңында біз Қазақстандағы алғашқы "Moomkin.kz" әлеуметтік желісін таныстырып отырмыз. Бұл "LinkedIn", "Facebook" сияқты үлкен әлемдік әлеуметтік желілердің бірі болып табылады. Оны жасаған біздің өзіміздің түлектеріміз. Бұл желінің ерекшелігі – "Болашақ" түлектерімен қатар, Қазақстанның кез келген жас маманы жұмыс берушімен тікелей байланыса алады. Түлектер жұмыс берушімен байланыс орната отырып, олардың талап-тілектерін білуге мүмкіндік алады", - деді журналистерге сұхбат берген Саясат Нұрбек.

Baq.kz

Қысқа да нұсқа. Жазылыңыз telegram - ға