Қытайдың қазақ актерлері қазақстандық жаңа телехикаяға түседі
«Хабар» АҚ тапсырмасы бойынша «Tanaris Production» кинокомпаниясы «Оралу» атты жаңа отандық телехикаяның түсірілімін бастады. Фильм авторларының айтуынша, мұнда ұлттық таным мен күнделікті тұрмыста кезіктіретін мәселелердің барлығы қозғалатын болады,- деп хабарлайды aikyn.kz. Хикая жас әрі болашағынан көп үміт күттіретін танымал мұнай компаниясының қызметкері жайлы. Ол жас болса да ақша, махаббат, сатқындық секілді келеңсіз оқиғаларды басынан көп өткерген. Екінші кейіпкер – Қытайда тұратын қазақ қызы. Сюжет бойынша ол Қытай мен Қазақстан арасында мұнайға байланысты жүретін жобаға атсалысады. Түсірілім Қытай мен Қазақстанда болады. – Телехикая форматына сай келген халықаралық жобаны ұсына алатынымызға қуаныштымын. Мұнда біз ұлттық тегімізге, дәстүр мен жеке қалыптасу сынды мәнді, құнды мәселелерге ораламыз. Хикая барлық көрермендердің көңілінен шығады деп үміттенеміз. Фильм кейіпкерлері қазақ, орыс, ағылшын тілдерінде де сөйлесетінін ерекше атап өткен жөн болар, –дейді «Хабар» агенттігі» АҚ Алматы филиалының Бас редакторы Күлімхан Хасенова. Ұлттық таным, рух, Отанды, отбасын сүю, жерді қастерлеу, халықты құрметтеу сынды асыл қасиетті дәріптейтін бұл хикая пафостан ада. Телехикаяға қазақстандық кино және театр актерлерімен қатар, Қытайдың қазақ актерлері түседі. Айта кетерлік жайт, баршамызға «Санта-Барбара» телехикасындағы Мейсон Кепвеллдің рөлі арқылы танылған Лейн Девисті де осы фильмнен кездестіре аламыз. Телехикая «Хабар» арнасынан күз айларында көрсетіледі деп жоспарлануда.
«Хабар» АҚ тапсырмасы бойынша «Tanaris Production» кинокомпаниясы «Оралу» атты жаңа отандық телехикаяның түсірілімін бастады. Фильм авторларының айтуынша, мұнда ұлттық таным мен күнделікті тұрмыста кезіктіретін мәселелердің барлығы қозғалатын болады,- деп хабарлайды aikyn.kz.
Хикая жас әрі болашағынан көп үміт күттіретін танымал мұнай компаниясының қызметкері жайлы. Ол жас болса да ақша, махаббат, сатқындық секілді келеңсіз оқиғаларды басынан көп өткерген. Екінші кейіпкер – Қытайда тұратын қазақ қызы. Сюжет бойынша ол Қытай мен Қазақстан арасында мұнайға байланысты жүретін жобаға атсалысады. Түсірілім Қытай мен Қазақстанда болады.
– Телехикая форматына сай келген халықаралық жобаны ұсына алатынымызға қуаныштымын. Мұнда біз ұлттық тегімізге, дәстүр мен жеке қалыптасу сынды мәнді, құнды мәселелерге ораламыз. Хикая барлық көрермендердің көңілінен шығады деп үміттенеміз. Фильм кейіпкерлері қазақ, орыс, ағылшын тілдерінде де сөйлесетінін ерекше атап өткен жөн болар, –дейді «Хабар» агенттігі» АҚ Алматы филиалының Бас редакторы Күлімхан Хасенова.
Ұлттық таным, рух, Отанды, отбасын сүю, жерді қастерлеу, халықты құрметтеу сынды асыл қасиетті дәріптейтін бұл хикая пафостан ада.
Телехикаяға қазақстандық кино және театр актерлерімен қатар, Қытайдың қазақ актерлері түседі. Айта кетерлік жайт, баршамызға «Санта-Барбара» телехикасындағы Мейсон Кепвеллдің рөлі арқылы танылған Лейн Девисті де осы фильмнен кездестіре аламыз. Телехикая «Хабар» арнасынан күз айларында көрсетіледі деп жоспарлануда.
Қысқа да нұсқа. Жазылыңыз telegram - ға