9-қазан

Дүниежүзілік пошта күні. 1957 жылы болған бүкілдүниежүзілік пошта одағының 14-ші конгресінің шешімі бойынша қабылданыған болатын. Аталмыш күн  1874 жылы пошта одағының құрылған күніне орай атап өтіледі.

Уганда Республикасының Ұлттық мейрамы - Тәуелсіздік күні (1962). Уганда - Шығыс Африкада орналасқан мемлекет. Астанасы - Кампала қаласы. Мемлекеттік тілі - ағылшын тілі, сонымен қатар жергілікті тілдер де қолданылады. Ақша бірлігі - уганда шиллингі. Уганда Солтүстігінде Суданмен, шығысында Кениямен, оңтүстігінде Танзания, Руандамен, батысында Конго Демократиялық Республикасымен шектеседі.

1731 жылы  Әбілқайыр хан бастаған Кіші жүз қазақтары Ресейге қосылды.

1996 жылы  Қазақстан Республикасы Президенті Жарлығымен Оңтүстік Қазақстан облысындағы Киров ауданы - Асықата ауданы, Алғабас ауданы - Бәйдібек ауданы болып өзгерді.

2006 жылы  Қызылорда облысы Жалағаш ауданының орталығы - Жалағаш кентіндегі алаңға Кенесарының азаттық күресіндегі басты батырлардың бірі - Бұқарбайға ескерткіш орнатылды. Ескерткіш авторы, белгілі мүсінші Мұратбай Үмбетовтің айтуынша, оның аяғының жанында жатқан жолбарыс батырдың жас кезіндегі қаймықпайтын жүректілігі туралы аңызға орай алынған. Ел аңызына қарағанда, жолбарыс ұлтжанды батырдың түсінен шықпайтын әруақты серігі болғанға ұқсайды.

2008 жылы Қазақстан Республикасында алғаш рет «Қазпошта» акционерлік қоғамының ұйымдастыруымен «Бірінші республикалық пошта маркаларының коллекциясын жинаушылар съезі» болып өтті. Съез барысында «Қазақстанның пошта маркаларының коллекциясын жинаушылар одағы» қоғамдық бірлестігін құру ұйғарылды.

1865 жылы  бильярд шарына патент алынды. Өнертапқыш Джон Уэсли Хайятт белгілі бір пішінге келтіруге болатын синтетикалық материалды ойлап тауып, одан бильярд шарын жасады. Бұған дейін бильярд шарын піл сүйегінен жасап келген болатын.

2009 жылы  Алматыда «Даму» кәсіпкерлікті қолдау қоры мен екінші деңгейлі 5 банк арасында өңдеу саласындағы кәсіпкерлік субъектілерді қолдау және жылжымайтын мүлік нарығындағы проблемаларды шешу үшін 3 келісім жасалды.

2009 жылы  Сарысу ауданының Жайылма ауылында жаңа спорт кешенінің ашылу рәсімі өтті.

Спорт кешенге Оңтүстік Қазақстан облысының қазақша күрес бойынша чемпионы Бөрібек Тоғызбаевтың есімі берілген. Спорт кешенді жеке кәсіпкер Б.Тоғызбаевтың ұлы Жеңіс салды. Екі қабатты ғимараттың ішінде күреспен, стол теннисімен, шахматпен, дойбымен айналысатын спорт залдары, және жуыну бөлмелері бар.

1651 жылы  Англияда Навигациялық акт қабылданды. Бұл құжат бойынша Ұлыбританияға отар елдерден тауарлар тек ағылшын кемелерімен жеткізіледі.

2001 жылы  Мысырда әлемдегі ең биік аспалы көпір салынды.

Қысқа да нұсқа. Жазылыңыз telegram - ға