Жаңалықтар

Жоғарғы Соттың қылмыстық істер жөніндегі төрағасы тағайындалды

Жоғарғы Соттың қылмыстық істер жөніндегі төрағасы тағайындалды
Фото: ҚР Жоғарғы сот 23.04.2024 02:23 301

Асламбек Мерғалиев жоғары сот органының ұжымына Жоғарғы Соттың қылмыстық істер жөніндегі сот алқасының жаңадан тағайындалған төрағасы Назгүл Рахметуллинаны таныстырды, деп хабарлайды El.kz ақпарат агенттігі. 

Назгүл Мәуілханқызы өз ісін адал атқаратын әрі принципшіл маман. Еліміздің сот жүйесінде атқарған көп жылдық тәжірибесі бар. Оның осы аса жауапты лауазымға тағайындалуы Мемлекет басшысының зор сенімін білдіреді», - деп атап өтті А.Мерғалиев.

Ол Н.Рахметуллина өзінің барлық білімі мен тәжірибесін жұмсай отырып, қызметтік борышын абыроймен атқаратынына сенім білдірді.

Сондай-ақ Жоғарғы Соттың Төрағасы Талғат Ибрашевті Алматы облыстық сотының төрағасы болып тағайындалуымен құттықтады.

Сіз қай лауазымда жұмыс істесеңіз де әрқашан өзіңізді міндетіне жауапкершілікпен қарайтын білікті басшы, тамаша ұйымдастырушы ретінде көрсетіп келесіз. Сіздің алдыңызда үлкен міндеттер тұр. Сіздің осы міндеттерді абыроймен атқаратыныңызға сенімдімін», - деп атап өтті А.Мерғалиев.

Н.Рахметуллина мен Т.Ибрашевті құттықтай отырып, әріптестері оларға жаңа лауазымда биік мақсаттарға қол жеткізулеріне тілектес екендіктерін білдірді.

Бөлісу:
Telegram Қысқа да нұсқа. Жазылыңыз telegram - ға