16-шілде

Франциядағы Виши режимінің нәсілшілдік және антисемиттік бой көрсетулері құрбандарын еске алу күні. Алғаш рет 1993 жылы атап өтілген осы атаулы күн 2000 жылғы ақпанның 29-да Ұлттық жиналыстың шешімімен ресми бекітілген.  Екінші дүниежүзілік соғысы жылдарында Францияда құрылған Виши нәсілшілдік режимінің полициясы 1942 жылы дәл осы күні 13 мыңға жуық шыққан тегі еврей француздықтарды Париж велодромына айдап шығып, оларды гитлершілердің қолдарына табыс еткен. Осы тұтқындардың көпшілігі «өлім лагерлерінде» қаза тапты

Украинада Бухгалтер күні. Мерекенің датасы 1999 жылдың 16 шілдесінде «Украинадағы бухгалтерлік есеп және қаржылық есептілік туралы» УР Заңы қабылдануына орай таңдап алынды.

2001 жылы  Еуразия ұлттық университеті кітапханасы негізінде «Отырар кітапханасы» ғылыми орталығы құрылды.

2007 жылы «G4 City» ЖШС Алматы-Қапшағай күре жолына салынғалы отырған қанаттас қалалардың қызметін жетілдіру үшін www.g4city.kz деп аталатын сайтын іске қосты. Сайтта сондай-ақ, түрлі электрондық БАҚ-тар мен мерзімді баспасөз беттерінде қанаттас қалаларға қатысты жариялаған материалдар жүйелі түрде беріліп отырылады. Құрылған компанияның негізгі мақсаты - Үкіметтің қолдауымен салынғалы отырған қалалардың толыққанды дамуына атсалысу.

1994 жылы Қазақстан Республикасы Президенті Н.Назарбаевтың «Мемлекеттік билік органдарының құрылымын дамыту және оларға шығатын шығынды қысқарту туралы» Жарлығы жарияланды.

1999 жылы Қазақстан Республикасының «Этил спирті мен алкоголь өнімінің өндірілуін және айналымын мемлекеттік реттеу туралы» Заңы қабылданды.

1969 жылы адамзат тарихындағы Айға тұңғыш сапар басталды - АҚШ-тың «Аполлон 11» ғарыш кемесі ұшырылды.

1611 жылы  Новгородты шведтар басып алды.

1643 жылы голландиялық теңіз саяхатшысы де Фриз Сахалин аралын ашты.

1661 жылы Стокгольм банкі алғашқы еуропалық банкноталарды шығарды.

1850 жылы  Францияда баспасөз бостандығы шектелді.

1909 жылы  Audi компаниясының негізі қаланды.

1923 жылы  Муссолини Италияда құмар ойындарға тыйым салды.

1926 жылы  Германияда «Броненосец Потёмкин» КСРО фильмінің көрсетіліміне тыйым салынды.

1945 жылы  АҚШ-тың Нью-Мексико штатындағы полигонда атом бомбасының алғашқы сәтті сынағы өтті.

1999 жылы Боливияның астанасы Ла-Пас қаласында ЮНЕСКО-ның сол кездегі бас хатшысы Федерико Майор Астана қаласына «Әлем қаласы үшін» халықаралық конкурсы жеңімпазының медалі мен сертификатын табыс етті. Осы күннен бастап Астана «Әлем қаласы» атағына ие.

Қысқа да нұсқа. Жазылыңыз telegram - ға