Головкин мен Стивенс жекпе-жек жөнінде алдын ала келісімге қол жеткізді
WBA нұсқасы бойынша орташа салмақта бокстан әлем чемпионы Геннадий Головкин мен америкалық Кертис Стивенс жекпе-жекті өткізу жөнінде алдын ала келісімге келді. Айқас ағымдағы жылдың 2 қарашасында өтуі тиіс, деп хабарлайды Boxing.ru. Егер боксшылардың командалары барлық шарттар бойынша келісімге қол жеткізсе, онда Головкин мен Стивенстің кездесуі 2 қараша күні өтеді және ол НВО телеарнасында көрсетіледі. Айта кетейік, бастапқыда Стивенстің мүддесіне өкілдік ететін Main Events компаниясы америкалық боксшыға айқас үшін 300 мың доллар көлемінде қаламақы ұсынған Головкиннің промоутері – Том Леффлердің ұсынысынан бас тартқан болатын. Еске салайық, Головкин 30 маусым күні өткен өзінің соңғы жекпе-жегінде британдық Мэттью Маклинді нокаутқа жіберіп, WBA нұсқасы бойынша өзінің әлем чемпионы атағын қорғап қалды. Ал Стивенс 4 тамыз күні болған кездесуде мексикалық Сауль Романды бірінші раундта-ақ жеңген болатын. ҚазАқпарат.
18.08.2013 11:04
2827
WBA нұсқасы бойынша орташа салмақта бокстан әлем чемпионы Геннадий Головкин мен америкалық Кертис Стивенс жекпе-жекті өткізу жөнінде алдын ала келісімге келді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Стефани Майер заявила, что продолжение «Сумерек» не будет
Келесі жаңалық
Оралда ауыр жүк көлігі мектеп ғимаратына соғылды