Қазақстан банктері кредитті жиірек бере бастады

Банктердің экономиканы кредиттеуінің жалпы көлемі 2013 жылғы маусымда 10545,0 млрд. теңгені құрап, 1,7% (жылдың басынан бері 5,9% өскен) өсті, деп хабарлайды ҚР Ұлттық банкінің баспасөз қызметі.

Осылайша, ұлттық валютадағы кредиттердің көлемі 0,2%-ға 7550,1 млрд. теңгеге дейін (жылдың басынан бері 7,2% өскен) ұлғайған, шетел валютасындағы кредит көлемі 5,4%-ға 2994,9 млрд. теңгеге дейін (жылдың басынан бері 2,7% өскен) ұлғайған. Теңгедегі кредиттердің үлес салмағы бір айда 72,6%-дан 71,6%-ға дейін төмендеген.

Ұзақ мерзімді кредиттеу 2013 жылғы маусымда 8569,9 млрд. теңгені құрап, 1,7%-ға көтерілді, қысқа мерзімді кредиттеу 1,3%-ға 1975,1 млрд. теңгеге дейін өсті. Ұзақ мерзімді кредиттердің үлес салмағы бір айда 81,2%-дан 81,3%-ға дейін ұлғайды.

Заңды тұлғаларға берілген кредиттердің көлемі 2013 жылғы маусымда 1,2%-ға 7324,0 млрд. теңгеге дейін, жеке тұлғаларға кредиттер 2,6%-ға 3220,9 млрд. теңгеге дейін ұлғайған. Жеке тұлғаларға берілген кредиттердің үлес салмағы бір айда 30,3%-дан 30,5%-ға дейін ұлғайған.

Шағын кәсіпкерлік субъектілерін кредиттеу 2013 жылғы маусымда 1,0%-ға 1473,6 млрд. теңгеге дейін (жылдың басынан бері 4,4% өскен) артқан, бұл экономикаға кредиттердің жалпы көлемінің 14,0% құрайды.

Салалар бойынша банктердің экономикаға кредиттерінің анағұрлым айтарлықтай сомасы саудаға (жалпы көлемдегі үлесі – 19,7%), құрылысқа (13,2%), өнеркәсіпке (11,9%), көлікке (3,8%) және ауыл шаруашылығына (3,0%) келеді.

Банктік емес заңды тұлғаларға шетел валютасында берілген кредиттер бойынша орташа алынған сыйақы мөлшерлемесі 2013 жылғы маусымда 10,3% (2013 жылғы мамырда – 10,9%), жеке тұлғаларға – 19,5% (20,0%) болды. 

bnews.kz

Қысқа да нұсқа. Жазылыңыз telegram - ға