Google үздік жұмыс беруші атанды

Universum зерттеу ұйымы көпшілік университет түлектері Google компаниясында жұмыс істеуді армандайтынын анықтады, деп жазады KM.ru.

«Universum компаниясы әлемнің 12 елінде, атап айтқанда, Ұлыбритания, АҚШ, Қытай, Жапония, Германия, Бразилия, Ресей, Франция, Италия, Үндістан, Австралия мен Канадада білім алатын студенттерді сауалнамаға қатыстыру негізінде зерттеу жүргізді. Сауланамаға 200 мың адам атсалысты», - делінген хабарламада.

Түлектер үшін әлемнің ең үздік жұмыс берушісі Google компаниясы атанды. Google корпорациясы екі санатта да – іскерлік және инженерлік бағыттар бойынша бірінші орынды иеленді. Түлектер үшін ең қолайлы саналған бизнес бағыттардың үштігіне сондай-ақ ірі британдық EY (бұрынғы атауы Ernst & Young) аудиторлық компаниясы мен америкалық Goldman Sachs инвестициялық банкі кірді. 

Инженерлік-техникалық санатқа қатысты айтсақ, екінші орынды Microsoft компаниясы иеленіп отыр. Көшбасшылар үштігін IBM қорытындылайды. Ең үздік жұмыс беруші компаниялардың алғашқы ондығына сондай-ақ Apple, BMW Group, Coca-Cola, KPMG, Siemens, Deloitte және Pricewaterhouse Coopers енді.

BNews.kz

Қысқа да нұсқа. Жазылыңыз telegram - ға