Қытайдан әкелінген тарихи құжаттар Қазақстан тарихының жаңа қырын ашады – М.Әбусейітова

Қазақстан ғалымдары Қытайдан әкелген Қазақ хандығы мен көрші мемлекеттің арасындағы сауда-экономикалық қатынасқа тікелей қатысы бар бірегей құжаттардың 283 том көшірмесі Қазақстан тарихының жаңа қырын ашады. Бұл туралы бүгін Қазақстан Президенті жанындағы Орталық коммуникациялар қызметінің баспасөз мәслихатында Р.Б.Сүлейменов атындағы Шығыстану институтының бөлім меңгерушісі Меруерт Әбусейітова мәлім етті, деп хабарлайды Bnews.kz тілшісі.

«Бүгін біз Қытайға іссапар кезіндегі жұмыстардың нәтижесін ұсынғымыз келіп отыр. ҚХР-да қолжазба, археологиялық материалдар, сондай-ақ артефактілер өте көп екен. Жазба құжаттардан басқа ежелгі түріктердің эпиграфиялық ескерткіштері табылды. Біздің ғалымдарға тарихқа терең бойлау үшін жаңа материалдарды көптеп табу маңызды», - дейді ол. 

Сонымен қатар, М.Әбусейітова атап өткендей, Қытайдан әкелінген құжаттардың көшірмелері отандық тарихтың жаңа қырын ашуға, оған жаңа көзқараспен қарауға мүмкіндік береді.

Қысқа да нұсқа. Жазылыңыз telegram - ға