Өскеменнің атқарушы билігі жастармен байланыс орнатуға ниетті

23.02.2013 15:21

Өскемен әкімдігінің бірқатар бөлім басшысы жастармен байланыс орнатуға ниетті. Бұл туралы BNews.kz тілшісіне қала әкімдігінен хабарлады.

«Өскемен қаласы әкімдігінің Жастар орталығы мемлекеттік мекеме бөлімдерінің өкілдерімен бірігіп Өскемен қаласының жоғары оқу орындарының студенттерімен бірнеше кездесу өткізуді жоспарлап отыр. Бұл жастардың билікпен байланыс орнатуы үшін, олардың мемлекеттік әлеуметтік бағдарламалар туралы білуі үшін қажет», - деді қала әкімдігінен.