Жаңалықтар

Бишімбаевқа алғаш тергеу жүргізген полицейлер жазаланды

Бишімбаевқа алғаш тергеу жүргізген полицейлер жазаланды
Фото: ©El.kz/Артем ЧУРСИНОВ 27.05.2024 12:23 2270

Астанада бұрынғы Ұлттық экономика министрі Қуандық Бишімбаевты ұстаған және алғаш тергеу жүргізген екі полицей жазаға тартылды, деп хабарлайды El.kz ақпарат агенттігі.

ІІМ баспасөз қызметінің хабарлауынша, Астана қалалық полиция департаменті жүргізген қызметтік тергеу аяқталған.

«Құқық қорғау қызметі туралы» заңның 19, 56-57-баптарына, сондай-ақ қызметтік тәртіпті бұзғаны үшін тәртіптік комиссияның шешіміне сәйкес, патрульдік полиция полкі қызметінің инспекторына сөгіс жарияланды. Әкімшілік құқық бұзушылық туралы кодекстің 434-2-бабының талаптарын бұзғаны үшін (ортақ пайдаланылатын орындарды ластау) Астана полиция департаментінің Есіл аудандық полиция бөлімінің жедел уәкіліне қатаң сөгіс жарияланды, - делінген хабарламада.

Еске сала кетейік, 27 наурыз бен 13 мамыр аралығында Астанада экс-министр Қуандық Бишімбаевқа қатысты ашық сот отырысы өтті. Жұбайы Салтанат Нүкенованы аса қатыгездікпен өлтірді деп айыпталған Қуандық Бишімбаев 24 жылға сотталған еді.

Бөлісу:
Telegram Қысқа да нұсқа. Жазылыңыз telegram - ға