Тоқаев терроризмге қарсы күресте Қазақстанның Ресеймен ынтымақтастығын растады

Мемлекет басшысы Қасым-Жомарт Тоқаевтың төрағалығымен Қауіпсіздік Кеңесінің шұғыл отырысын өткізді, деп хабарлайды Ақордаға сілтеме жасап El.kz ақпарат агенттігі. 

Отырыста Мемлекет басшысы бейбіт тұрғындарға қатысты Мәскеу облысында болған зорлық-зомбылық әрекетті тағы да айыптай отырып, терроризмге қарсы күресте Қазақстанның Ресеймен бірге екенін растады.

Жиын барысында құқық қорғау құрылымдары мен жергілікті атқарушы органдардың жұмыс жоспары, сондай-ақ экстремалды жағдайлардағы олардың қызметін үйлестіру мәселелері қарастырылды. 

Президент ел азаматтарының қауіпсіздігін және терроризмге қарсы күрес мақсатында Қазақстанның басқа мемлекеттермен және халықаралық ұйымдармен ықпалдастығын қамтамасыз етуге бағытталған бірқатар тапсырма берді.

Оқи отырыңыз: 

• Президент Қазақстан тарапы Мәскеудегі лаңкестік оқиғаны қатаң айыптайтынын мәлімдеді
• Мәскеудегі терактіден қаза тапқандар саны 115 адамға жетті