Студент қарбыздан уланып көз жұмды

Бакуде астан улану салдарынан 20 жастағы қыз қайтыс болды, деп хабарлайды El.kz  интернет порталы.

Оқиға 7 маусым күні таңертең орын алған. Саатлы ауданынан шыққан Дерья Шахинқызы Агаева (2005 жылы туған) ауыр хәлде Бакудегі ауруханалардың біріне жеткізілген. Дәрігерлер дереу медициналық көмек көрсеткенімен, қыздың өмірін сақтап қалу мүмкін болмады.

Марқұмның жоғары оқу орнының студенті болғаны белгілі болды.

Қыздың туыстарының айтуынша, оның улануына қарбыз себеп болуы мүмкін. Бұл нұсқа тергеліп жатыр.

Oxu.Az тілшілерінің сұрауына жауап ретінде TƏBİB (Медициналық аумақтық бөлімшелерді басқару бірлестігі) келесі ақпаратты растады:

7 маусымда 20 жастағы қыз тырыспа белгілерімен жедел медициналық көмек бөлімшесіне жеткізілді. Оған бірден қажетті көмек көрсетілді. Алайда дәрігерлердің барлық күш-жігеріне қарамастан, науқастың өмірін аман алып қалу мүмкін болмады, — делінген TƏBİB таратқан хабарламада.

Оқи отырыңыздар:

• Күйеу жігіт той күні тар аяқ киім киемін деп аяғынан айырылды
• 13 жастағы қыз терезе сүртемін деп 10-қабаттан құлап кетті

Қазіргі уақытта қыздың улану себебін анықтау мақсатында тергеу жүргізіліп жатыр.