Шетелдіктер асырап алған қазақ қызы Америкада тұрмысқа шықты

"Шетелдегі қазақ балалары" жобасының жүргізушісі Жанар Байсеміз шетелдіктер асырап алған қазақ қызы Джулиананың америкалық азаматқа тұрмысқа шығып жатқанын айтты, деп хабарлайды El.kz ақпарат агенттігі.

Ол Джулиананың шетелдегі анасымен әрдайым хат-хабар алмасып тұратынын, елімізден Джулиананың туған әкесі, туыстары табылғанын атап өтті.

Біздің сұлу қызымыз тұрмысқа шықты! Дәл қазір Америкадан жеткен сүйінші хабар. Джулиананы бәріңіз @sheteldegi_qazaq_balalary білесіздер. Асырап алған анасы @susan.elko.harris қуанып, суреттерін жіберіп жатыр. Күйеу баламыз Джулиана десе ішкен асын жерге қоятын тамаша жігіт екен. Бұған дейін сұлу қызымыздың туған әкесі, ағайын-туысы, ата-әжесі табылғанын хабарлаған едім. Джулиананың бағы ашылсын, – деп жазды Жанар Байсемізова.

Айта кетейік, Оқу-ағарту министрлігі Қазақстанда шетелдіктер асырап алған балалар туралы деректерді ұсынған еді.