Қазақстандық өрт сөндірушілер мен құтқарушыларға жаңа форма тігіледі

Төтенше жағдайлар министрлігінің аппараттық кеңесінде министр Сырым Шәріпханов ТЖМ бейінді құрылымдық бөлімшелерге өрт сөндірушілер мен құтқарушыларға жаңа форма әзірлеуді тапсырды, деп хабарлайды El.kz ақпарат агенттігі.

Министрдің тапсырмасына сәйкес, жауапты қызметкерлерден тұратын жұмыс тобы құрылыпғ ыңғайлы және функционалды арнайы форма жасау жөніндегі қатардағы өрт сөндірушілер мен құтқарушылардың барлық ұсыныстарын ескеретін болады. Жұмыс тобы осы бағыттағы ең жақсы әлемдік тәжірибелерге зерттеу жүргізеді.

Оқи отырыңыз:

• Гарвардқа оқуға түскен Әсел Амангелді: Мектептегі білім жүйесін жақсартқым келеді
• Қыран Талапбек шенеуніктің қызына үйленді

Өрт сөндіру және авариялық-құтқару жұмыстары көбінесе жеке құрам үшін қиын, әрі күрделі түрде өтеді. Осыған байланысты форма ыңғайлы да, функционалды да болуы керек. Біздің міндетіміз – құтқарушыларға өздерінің функционалдық міндеттерін орындау кезінде барынша жайлылықты қамтамасыз ету. Дәл осындай тактика оларды заманауи құтқару техникасымен қамтамасыз етуге қатысты болуы керек, - деді министр Сырым Шәріпханов.