Павлодар облысында жол апатынан жүргізуші әйел қайтыс болды

Оқиға 25 маусым күні сағат 17:30-да Астана-Шідерті автожолының 252 шақырымында болған, деп хабарлайды El.kz ақпараттық агенттігі.

ҚР ІІМ баспасөз қызметінің мәліметінше, Mercedes автокөлігінің 39 жастағы жүргізушісі рульді басқара алмай, аударылып қалып, оқиға орнында көз жұмды.

Көлікте кәмелетке толмаған екі жолаушы болған. Олар ауруханаға жеткізілді.

Автокөлік айып тұрағына қойылды. Полиция тексеріс жүргізіп жатыр.

Бұған дейін Шығыс Қазақстан облысында екі көлік соқтығысып, салдарынан 3 адам зардап шеккенін хабарлағанбыз.