«Нұралы Әліп «Манчестер Юнайтедке» ауысады»: қазақстандықтар МЮ-дің парақшасын жаулап алды

Қазақстан құрамасы мен Ресейдің «Зенит» клубының қорғаушысы Нұралы Әліпке АПЛ клубы қызығушылық танытқаны туралы ақпарат қоғамда қызу талқыланып жатыр, деп хабарлайды El.kz ақпарат агенттігі.

Бұған дейін Әліпке «Манчестер Юнайтед» клубы көз тіккені туралы ақпарат тараған. Енді қазақстандық жанкүйерлер МЮ-дің әлеуметтік желідегі парақшаларына «шабуыл» қойды.

Оқи отырыңыз:

• Еуро-2024: елге оралған Қазақстан құрамасын жанкүйерлер әуежайдан күтіп алды
• Ойынды алаңнан тыс отырып бақылау өте ауыр тиеді екен – Қазақстан құрамасының капитаны

Продюсер, тележүргізуші Нұрлан Қоянбаев Instagram-дағы стористе аталған клубтың парақшасында жазба қалдыруға шақырған.

Содан бері клуб жариялаған соңғы посттың астына мыңдаған қазақстандық пікір қалдырған.

Нұрәлі Әліп 1999 жылы Ақтау қаласында дүниеге келген.2008 жылдан бастап жергілікті «Каспийдің» жасөспірімдер футбол клубында ойнаған. 2015 жылы Алматының «Қайрат» академиясына қабылданды. Бірнеше жыл осы клубта доп тепті. Былтыр Ресейдің «Зенит» командасына ауысты.