Еліміздің алты өңірінде газ станциясы салынады

Бұл туралы Үкімет отырысында энергетика министрі Алмасадам Сәтқалиев мәлім етті, деп хабарлайды El.kz ақпарат агенттігі.

Министрдің айтуынша, сауда-саттықты өткізу аясында Ақтау, Атырау, Ақтөбе, Тараз, Қызылорда, Шымкент қалаларында жалпы қуаты 2,4 ГВт газ станциясын салу жоспарда бар.

Оқи отырыңыз:

Бірқатар өңірде электр энергиясының тапшылығы бар

Ресейлік миллиардердің Қазақстан арқылы жаңа ұшақ сатып алғаны рас па? Министр жауап берді

Энергетика саласы қызметкерлерінің жалақысы қанша пайызға өсті? Министрдің жауабы

Сонымен қатар қуаты 5 ГВт ауқымды жобалар стратегиялық инвестормен пысықталып жатыр. Бүгінгі таңда 220 электр станциясы жұмыс істейді, оның ішінде жалпы қуаты 2,8 ГВт болатын 144 ЖЭК объектісі бар. 2023 жылы электр энергиясын тұтыну көлемі 115 млрд кВт/сағ деңгейінде болды. 2024 жылғы 1 қаңтардағы жағдай бойынша жалпы қолда бар қуат 20,4 ГВт, ал ағымдағы күзгі-қысқы кезеңде максималды тұтыну 16,6 ГВт құрады, – деді энергетика министрі.

Энергетика министрі ел экономикасы мен халықты сенімді энергиямен қамтамасыз ету үшін алдағы жылдары жаңа энергетикалық қуаттарды кезең-кезеңмен енгізу және жұмыс істеп тұрған электр станцияларын жаңғырту көзделуде екенін атап өтті.