БҚО-да жыл басынан бері 50-ге жуық адамнан қызылша анықталды

Батыс Қазақстан облысында он күнде 50-ге жуық адам қызылшаға шалдыққан. Бұл туралы Өңірлік коммуникациялар қызметі алаңында өткен брифингте облыстық санитариялық-эпидемиологиялық бақылау департаментінің басшысы Нұрлыбек Ермекұлы мәлім етті, деп хабарлайды El.kz ақпарат агенттігі.

Басқарма басшысының айтуынша, облыста қызылшаға байланысты аурушаңдықтың өсуі байқалып отыр. Өткен 2023 жылы қызылшаның 477 жағдайы расталса, ағымдағы 2024 жылда 48 жағдай тіркелген.

Қызылшаға қарсы вакцина ұлттық иммундау күнтізбесіне енгізілген. Балаларға қызылшаға қарсы егу - 1 жаста, ал ревакцинация 6 жаста жүргізіледі. Екпеден кейін инфекциядан қорғайтын иммунитет пайда болады. Тұрғындарға өздігінен ем қабылдамай, аурудың алғашқы белгілері байқалғанда медициналық көмекке жүгіну қажеттігін ескертеміз,- деді Нұрлыбек Мұстаев.

Оқи отырыңыз:

• Қызылша баланы мүгедек етуі мүмкін – педиатр
• Қызылшадан қаза тапқан балаларға қатысты тергеу аяқталды

Басқарма басшысы балалар арасында қызылшаға қарсы екпе алмағандар болса, ауыр асқынулар мен аурудың салдарының алдын алу мақсатында жергілікті емханаға барып, екпе алу керектігін жеткізді.