Алматы облысында 3 жасар қыз пәтерде қамалып қалған

Алматы облысы Қаскелең қаласында 3 жасар бүлдіршін пәтерде қамалып қалған. Анасы үйдің кіреберісіне кілтсіз шыққан кезде кішкентай қыз кездейсоқ есікті iшiнен құлыптап алған, деп хабарлайды El.kz ақпарат агенттігі.

Төтенше жағдайлар министрлігінің жазуынша, қыздың анасы құтқарушылардан көмек сұраған. Оқиға орнына дереу жеткен республикалық жедел-құтқару жасағының құтқарушылары пәтерде қамалып қалған қызды құтқарды.

«Жаңа есікті бұзбас үшін альпинистік жабдықтың көмегімен пәтерге терезе арқылы кіру туралы шешім қабылданды. Бөбектi анасына тапсырдық, балаға медициналық көмек қажет болған жоқ» - деді құтқарушылар.

Оқи отырыңыз: 

• Құтқарушылар көлікте қысылып қалған үш адамды шығарып алды
• Риддердегі тауда аяғын сындырып алған саяхатшы құтқарылды