Алаяққа сенген алматылық 83 млн теңгесінен айырылды

Алматы тұрғыны тиімді инвестицияға сеніп, алаяққа 83 миллион теңге берген. Көп ұзамай күдікті ұсталды, деп хабарлайды El.kz ақпарат агенттігі.

Жәбірленуші таныс әйелге қомақты қаржысын инвестицияны көбейту үшін бергені белгілі болды. Күдікті таныстарына ЖШС бірінің атынан ірі отандық компаниялардың біріне салымдар – инвестиция арқылы қосалқы бөлшектерді жеткізуге келісімшарт жасап жатқанын айтқан. Бірақ ең қызығы компанияға бұл салымдар қажет болмаған.

Қазіргі уақытта біздің бөлімшеге осындай алаяқтық туралы арызбен 9 адам жүгінді. Алдын ала мәлімет бойынша, күдікті делдал ретінде 10 миллионнан 20 миллион теңгеге дейін алдын ала төлем алған. Ал жәбірленушілердің бірінен 83 миллион теңгені алып алған. Күдікті ұсталды. Ол - Алматы облысының тұрғыны. Осы эпизодтардың барлығы бір өндіріске біріктіріліп, сотқа дейінгі тергеудің бірыңғай тізілімінде қылмыстық іс қозғалды, - деді Бостандық аудандық полиция басқармасының бастығы, полиция полковнигі Мақсат Қанапяев.

Полицейлердің пікірінше, алаяққа алданғандардың саны әлі де көп болуы мүмкін.

Оқи отырыңыз: 

• БҚО-да колледж студенттері ақша бопсалап, алаяқтықпен айналысқан
• Астаналық әйел алаяқтықпен 400 млн теңгеге жуық қаржысын құмар ойынға құрбан етті