12 жылдан кейін: Төрехан Сабырхан Азия ойындарының чемпионы атанды

Қазақстандық боксшы Төрехан Сабырхан Жапонияның Айчи-Нагоя қаласында өтіп жатқан ХХ жазғы Азия ойындарында алтын медаль жеңіп алды.

70 келіге дейінгі салмақ дәрежесінде өнер көрсеткен отандасымыз финалдық бәсекеде Иордания өкілі З. Ишашпен қолғап түйістірді. Жекпе-жек қорытындысы бойынша төрешілер қазақстандық боксшының жеңісін бірауыздан қолдап, есепті 5:0 деп белгіледі. Осылайша Төрехан Сабырхан Азия ойындарының чемпионы атанды.

Қазақстан боксы үшін 12 жылдан кейінгі алтын

Бұл жеңістің Қазақстан боксы үшін тарихи маңызы бар. Төрехан Сабырханның алтын жүлдесі – ел боксшыларының Азия ойындарындағы 12 жылдық үзілістен кейін алған алғашқы чемпиондық атағы.

Қазақстан құрамасының боксшылары бұған дейін 2014 жылы Инчхонда өткен Азия ойындарында алтын медаль иеленген еді. Ал 2018 жылғы Джакарта және 2022 жылғы Ханчжоу Азия ойындарында қазақстандық боксшылар чемпион атана алмады.

Төрехан Сабырхан осылайша Қазақстан құрамасына Азия ойындарындағы бокстан көптен күткен алтын жүлдені қайтарды.

70 келіге дейінгі салмақтағы финалда қарсыласын 5:0 есебімен жеңген қазақстандық боксшы ұлттық құраманың қоржынына маңызды алтын медаль салды.

Осы салмақта Азия ойындарында кімдер чемпион атанған:

• 2014 жыл. Данияр Елеусінов (69 келі)
• 2010 жыл. Серік Сәпиев (69 келі)
• 2006 жыл. Бақыт Сәрсекбаев (69 келі)
• 2002 жыл. Геннадий Головкин (71 келі)
• 1998 жыл. Ермахан Ибраимов (71 келі)
• 1994 жыл. Қанатбек Шағатаев (71 келі)

Айта кетейік, бұған дейін Шымкенттегі отбасы жетінші перзентіне боксшының есімін берген еді.