«Жоғары оқу орнының үздік оқытушысы» конкурсына құжат қабылдау басталады

27.10.2024 22:13

Фото: Ғылым және жоғары білім министрлігі

ҚР ҒЖБМ «Жоғары оқу орнының үздік оқытушысы» атағын беру бойынша конкурс жариялайды, деп хабарлайды El.kz ақпарат агенттігі.

Бұл конкурс ең үздік педагогикалық тәжірибені анықтауға бағытталған және 2015 жылғы 16 наурыздағы №124 бұйрыққа сәйкес өткізіледі.

Конкурсқа ҚР азаматтары, ЖОО-ның штаттық оқытушылары қатыса алады. Қатысушының кемінде бес жылдық үзіліссіз ғылыми-педагогикалық өтілі болуы қажет.

Құжаттарды тапсыру мерзімі: 2024 жылғы 1 қарашасынан 11 қарашаға дейін жалғасады.