Жоғалған 15 жасар қыздың денесі Балқаш көлінен табылды
Фото: ©El.kz/Мәди ЫСҚАҚОВ
Фото: ©El.kz/Мәди ЫСҚАҚОВ
12.12.2023 11:45
939
Балқашта жоғалған жасөспірім қыздың денесі көлден табылды, деп хабарлайды EL.kz ақпарат агенттігі.
Кеше кешкілік 16:00 шамасында би үйірмесіне шығып, оралмаған қыздың әкесі полицияға арыз түсірді. Іздеу жұмыстарына қалалық полиция бөлімінің қызметкерлері дабыл жүйесі бойынша көтеріліп, іздеу басталды.
Жасөспірімді іздеуге 130-дан астам полиция қызметкері мен ерікті жұмылдырылды.
Іздеу жұмыстары барысында 11 желтоқсан күні Балқаш көлінің жағасынан жоғалған қыздың киімдері табылды. Осы уақыттан бастап көлдің аумағын қарау жұмысы жүргізілді. Сағат 13:36 шамасында көлден 40-50 метр қашықтықта, 2,5-3 метр тереңдікте қыздың мәйіті табылды.
Алдын ала болжам бойынша, жасөспірім өз-өзіне қол жұмсаған. Қазір оқиғаның мән-жайы анықталды.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Ұлттық қордан балаңызға ақша алу үшін не істеу керек?
Келесі жаңалық
Елордада Қазақстан халқы достығының фестивалі өтті