Жер сілкінісінен ғимарат зақымданғанда не істеу керек

Алматы әкімдігі жер сілкінісі салдарынан ғимарат зақымданған жағдайда не істеу керек екенін айтып, нұсқаулық жариялады, деп хабарлайды El.kz ақпарат агенттігі.

Алматы әкімдігінде іс-қимыл алгоритмі ұсынылды:
- Аудандық әкімдіктерде ТЖД, МКК мен басқа да орган өкілдерінің қатысуымен комиссия тобы жұмыс істейді.
- Ғимарат зақымданған жағдайда қала тұрғындары аудандық әкімдікке өтінішпен және фотоматериалдармен жүгінуі қажет.

Әрі қарай не болады:
- Комиссия зақымдану деңгейін алдын ала анықтау үшін ғимаратты тексереді.
- Тірек конструкцияларының бұзылуы бар ма, әлде бұл әрлеу материалдарының зақымдануы ма: аспалы төбе, сылақ, плитка, қасбеттің әрлеуі ме екенін анықтайды.

Мәліметті өңдеу:
- Аудандық комиссиялардан алынған ақпарат қалалық Жоспарлау және урбанистика басқармасына, одан кейін ҚазҚСҒЗИ-ға талдау жүргізуге беріледі.
- Институт мамандары зақымданудың себебі мен дәрежесі туралы қорытынды береді.

Жөндеу жұмысын қаржыландыру:
- Әлеуметтік нысандарды жөндеу бюджет есебінен жүзеге асырылады.
- Көппәтерлі үйлердің әрлеу элементтерін жөндеу — кондоминиум есебінен.
- Ғимараттардың тұтастығына қауіп төнген жағдайда жөндеуге қаражат мемлекеттік органдардың бюджетінен бөлінеді.

Алматы Жер сілкінісі

Қысқа да нұсқа. Жазылыңыз telegram - ға