Жайық суы Каспийге бағытталмақ
![Жайық суы Каспийге бағытталмақ Жайық суы Каспийге бағытталмақ](/storage/storage/element/2024/04/15/mainphoto/98594/1200xauto_kotjlZFhkWg6cUux9a5jRxhSj58pKLLwsIe16see.png)
«Қазсушар» мекемесінің Атырау облыстық филиалы мен жергілікті әкімдік бірлесіп су тасқынына дайындық аясында қосымша 14,5 шақырым канал қазып жатыр, деп хабарлайды El.kz ақпарат агенттігі.
Су ресурстары және ирригация министрлігінің мәліметінше, тереңдігі 2 метр, ені 7 метрден асатын канал Атырау қаласы арқылы өтетін судың көлемін азайту мақсатында қазылуда. Осылайша Жайықтан келген су қосымша канал арқылы Каспий теңізіне құяды.
Атырау облысына келген суды Қазсушарға қарасты негізгі 4 канал: Соколок, Сарыөзек, Бақсай және Нарын қабылдап, теңізге қарай өткізеді. Мұнда Ресейдің Сақмар өзені мен Ириклі су қоймасынан келетін суды қабылдау үшін қызу дайындық жұмыстары жүріп жатыр, - делінген мәліметте.
Бұл су сәуір айының соңы немесе мамырдың басында келеді деп болжанып отыр.
![Telegram](https://el.kz/static/site/images/tel26.png)