«Жайлы мектеп». ШҚО-да 15 мектеп салынады
Тавриядағы 300 орындық және Риддердегі 600 орындық мектептердің типтік жобалары өзін жақсы дәлелдеген.
Шығыс Қазақстан облысында 7800 орындық 15 мектеп салынады, деп хабарлайды EL.KZ.
ШҚО әкімдігінің мәліметіне сүйенсек, «Жайлы мектеп» ұлттық жобасы аясында өңір бойынша 7800 орындық 15 білім ордасы бой көтереді.
Қазірдің өзінде Өскемендегі «Нұрлы жол» шағынауданында және Зайсан ауданында салынып жатқан мектептердің құрылысы аяқталуға жақын. Мен Белоусовка, Прапорщиково немесе Опытное поле елді мекендеріндегі жағдайды егжей-тегжейлі талдап, қайсысында мектеп салу керектігін анықтауды тапсырдым, - деді облыс әкімі Даниал Ахметов.
Оның айтуынша, Тавриядағы 300 орындық және Риддердегі 600 орындық мектептердің типтік жобалары өзін жақсы дәлелдеген.
Бұл заманауи, жайлы оқу орындары. Олар барлық қажетті заттармен жабдықталған. Бүгіндегі біздің басты міндетіміз - қай жерде және қанша мектеп салу керектігін нақты түсіну. Себебі аймақта оқушылар саны көп және бос орындары жеткілікті мектептер бар. Сондықтан оларға жүктеме біркелкі бөлінуі үшін оқушыларды автобуспен жеткізуді ұйымдастыруға дайынбыз, - деді өңір басшысы.
Қысқа да нұсқа. Жазылыңыз telegram - ға