Жаяу жүргіншіні қағып өлтірген жүргізуші 2,5 жылға сотталды
Фото: ©El.kz/Бауыржан ЖУАСБАЕВ
Фото: ©El.kz/Бауыржан ЖУАСБАЕВ
13.03.2024 10:33
489
Өскеменде жаяу жүргіншіні қағып, мерт еткен жүргізушіге сот үкім кесті, деп хабарлайды EL.kz ақпарат агенттігі.
Оқиға Грузинская мен Виноградов көшелерінің қиылысында болған. Солға бұрылған көлік жүргізушісі бағдаршамның жасыл түсіне өтіп бара жатқан жаяу жүргіншіні байқамай, қағып мерт еткен.
Сот барысында айыпталушы өз кінәсін толықтай мойындады. Ер адам бұрын сотталмаған және көлігінде әкімшілік айыппұл болмағаны белгілі болды.
Жәбірленуші тарап оны бас бостандығынан айырмауды сұрады. Сот шешімімен сотталушы 2 жыл 6 айға бас бостандығынан шектеліп, 5 жыл мерзімге көлік айдау құқығынан айырылды, - делінген ақпаратта.
Үкім әлі заңды күшіне енген жоқ.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Атақты айтыскерге қатысты сот шешімі шықты
Келесі жаңалық
Елордада әкелер форумына 100-ден астам әке қатысты