Жаңалықтар

Жалған ақпарат таратқан елорда тұрғыны жауапқа тартылды

Жалған ақпарат таратқан елорда тұрғыны жауапқа тартылды
Фото: ©El.kz/Ербол БЕКБОЛАТ/Midjourney 19.06.2024 16:36 351

Елорда тұрғыны жалған ақпарат таратқаны үшін жауапқа тартылды, деп хабарлайды El.kz aқпарат агенттігі. 

TikTok әлеуметтік желісінде Астана тұрғыны Шығыс Қазақстан облысы Күршім ауданы Маралды ауылындағы жағдайды баяндайтын видео жариялады. Әйел ауыл тұрғындарының 3 жылдан бері алтын өндіретін фабриканың заңсыз құрылысымен күресіп, кен өндіру кезінде улы зат қолданып, жарылыс жасайтынын айтады.

Видеорепортаж барысында арна авторы жазылушыларынан басылымды таратуды сұраған. Полиция қызметкерлері тексеру жүргізіп, нәтижесінде оның таратқан ақпараттың дұрыс еместігі белгілі болған.

Жалған ақпаратты орналастыру және тарату фактісі бойынша 45 жастағы елорда тұрғынына қатысты ҚР ӘҚБтК-нің 456-2-бабының 5-бөлігі бойынша әкімшілік іс қозғалды. Сот оған 30 АЕК көлемінде айыппұл салу туралы шешім шығарды.

Бөлісу:
Telegram Қысқа да нұсқа. Жазылыңыз telegram - ға