Үш күнде қар құрсауынан мыңнан астам адам құтқарылды
10 желтоқсаннан бастап Қазақстанның басым бөлігінде қолайсыз метеорологиялық жағдайлар, кейбір өңірлерде экстремалды жағдайлар байқалды, деп хабарлайды El.kz ақпарат агенттігі.
Жол қозғалысы қауіпсіздігін қамтамасыз ету үшін трассаларда полиция қызметкерлері күшейтілген тәртіппен қызмет етуде. Кейбір аймақтардың жолдарындағы патрульдік экипаждар саны 2-3 есеге көбейтілді.
"ҚазАвтоЖол" мен полицияның ескертулеріне қарамастан кейбір жүргізушілер трассаларға шығып кетіп, тек полицейлердің көмегімен ғана қайғылы оқиғалардың алдын алатын жағдайларға тап болып жатқаны да кездесуде.
Жолдарда суыққа тоңған 1012 адам құтқарылды. Оның ішінде 25 бала. 1100 жүргізушіге көмек көрсетілді, - делінген хабарламада.
12 облыста халықаралық, республикалық және жергілікті маңызы бар автожолдардың учаскелері жабылды. Барлығы 100 учаскеден астам. Жұмыс істеп жатқан жылыту пунктерінің саны – 500.
Қысқа да нұсқа. Жазылыңыз telegram - ға