Жаңалықтар

Университеттер ҰБТ-дағы шекті балды өзі белгілейді

Бұл туралы Ұлттық тестілеу орталығының директоры айтты
Университеттер ҰБТ-дағы шекті балды өзі белгілейді
Фото: mail.kz 04.02.2023 16:52 1847

Түлектер оқуға құжат тапсырмастан бұрын жоғары оқу орындарының шекті балын біліп алғаны жөн. Бұл жайында Ұлттық тестілеу орталығының директоры Руслан Емелбаев мәлім етті, деп хабарлайды El.kz ақпараттық агенттігі.

Оның айтуынша, әр университеттің өз шекті балы болады. Бұл құқық оларға 3 жыл бұрын берілген.

«Бір оқушы математика пәнінің мұғалімі болғысы келеді деп алайық. Ол ҰБТ-да жинаған 80 балымен ұлттық университетке ақылы бөлімге түскісі келеді. Өздеріңіз білетіндей, «Педагогикалық ғылымдарға» шекті балл – кемінде 75 балл, ал ұлттық ЖОО-ларға – кемінде 65 балл. Оқушының жинаған ұпайы жетіп тұр. Алайда, ол университетте оқушының оқығысы келген мамандыққа шекті балл 85-тен басталады. Демек, оқушыға шекті балын 80-ге дейін белгілеген университетті іздеу керек», - дейді Руслан Емелбаев.

Бөлісу:
Telegram Қысқа да нұсқа. Жазылыңыз telegram - ға