ҰБТ-2024: 6 облыстың оқушылары тестті кеш тапсырады

Биыл негізгі ҰБТ еліміздің әр аймағында әртүрлі уақытта басталады. Төтенше жағдай режимі жарияланған 6 облыс талапкерлері үшін ол кейінірек басталады, деп хабарлайды El.kz ақпарат агенттігі. 

Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеудің өзі 25 мамырдан 12 шілдеге дейін өтеді.

Қалған талапкерлер үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырдан басталып, 5 шілдеге дейін жалғасады.

Естеріңізге сала кетсек, 2024 жылы барлық талапкерлер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алады.

ҰБТ тест су тасқыны Оқушылар

Қысқа да нұсқа. Жазылыңыз telegram - ға