Жаңалықтар

Түркияның орталық аймағында жер сілкінді

Зілзаланың магнитудасы 4,3 балды құраған
Түркияның орталық аймағында жер сілкінді
Фото: Anadolu Agency 25.02.2023 04:15 2040

Түркияның орталық бөлігіндегі Конья провинциясында магнитудасы 4,3 балды құраған жер сілкінісі тіркелді, деп хабарлайды El.kz Anadolu агенттігіне сілтеме жасап.

Түркия үкіметі жанындағы табиғи апаттар және төтенше жағдайлармен күрес басқармасы (AFAD) таратқан мәліметке сәйкес, жер сілкінісі жергілікті уақыт бойынша 17:01-де болған.

Зілзала ошағы 7 шақырым тереңдікте орналасқан. Жер сілкінісінің орталығы Эрегли ауданында екені анықталды.

Конья әкімшілігінің әлеуметтік желідегі ресми парақшасында апаттан қаза болғандар мен қираған ғимараттар жоқ екендігі айтылды.

Еске салайық, 6 ақпанда Түркияда жойқын жер сілкінісі болғаны белгілі. Зілзаладан соң 4 мыңнан астам афтершок тіркелді.

Бөлісу:
Telegram Қысқа да нұсқа. Жазылыңыз telegram - ға