Тракторшының денесі табылды. Абай облысында қайтыс болғандардың саны 15-ке жетті
Фото: Абай облысы ПД баспасөз қызметі
Фото: Абай облысы ПД баспасөз қызметі
13.06.2023 15:44
694
Абай облысында үш күн бұрын жоғалып кеткен ауыл тұрғыны Сергей Архиповтың мәйіті табылды, деп хабарлайды El.kz ақпарат агенттігі.
Жергілікті полиция Бесқарағай ауданы Долон ауылының тұрғыны Сергей Архиповтың іздеу іс-шараларын жүргізу барысында ер адамның мәйітін тапты. Мәйітте зорлық-зомбылық белгілері жоқ, ол өртті сөндіру орнынан 50 шақырым жерден табылды.
Ер адамның денесі қызметтік иттің көмегімен табылды. Ол Абай облысы полиция департаментінің кинологиялық есебінің құрамында жұмыс барысында сигнал беріп, трактор табылған жерден орман жолағына дейін ер адамның жолымен жүрді, - делінген полиция таратқан ақпаратта.
Сот-медициналық сараптама тағайындалды. Оның нәтижесі бойынша процестік шешім қабылданады.
Қылмыстық-процестік кодекстің 201-бабы 1-бөлігіне сәйкес сотқа дейінгі тергеудің өзге де деректері жария етілмейді.
Бұған дейін Абай облысында отқа оранған орман алқабында 1987 жылғы Сергей Архиповтың жоғалып кеткені хабарланған болатын. Бесқарағай ауданы Долон ауылының тұрғыны трактормен өрт сөндіруге шыққан. Соңғы рет 10 маусымда байланысқа шығып, өртті сөндіруге көмектесіп жатқанын айтқан. 12 маусымда полицейлер Архиповтың тракторын тапты.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Жамбыл облысында 71 білім беру ұйымы лицензиясыз қалды
Келесі жаңалық
Астаналықтар экологияны жақсарту бойынша жобаларын ұсынды