Жаңалықтар

Тойына ақша тапқысы келген ер адам мал ұрлығымен ұсталды

Тойына ақша тапқысы келген ер адам мал ұрлығымен ұсталды
Фото: © Polisia.kz 08.12.2023 15:55 547

Ақмолалық полицейлер мал ұрыларын ұстады, деп хабарлайды EL.kz ақпарат агенттігі polisia.kz сайтына сілтеме жасап.

Целиноград ауданының екі тұрғыны елордалық аумақта мал ұрлығымен айналысқан. Тергеу барысында ұсталғандардың екі фактіге қатысы бар екендігі дәлелденді, сондай-ақ олардың Шортанды ауданының аумағында ұқсас қылмыстарға қатысы тексеріледі.

Аудандық полицияға ұсақ малды ұрлау туралы өтініштер 6 желтоқсанда келіп түсті. Бір жағдайда, жергілікті шаруа қожалықтарының бірінің иесі, Талапкер ауылының тұрғыны, белгісіз адамдар 20 бас ұсақ мал ұрлап, 1 млн теңге шығын келтіргенін хабарлады. Екінші жәбірленуші, сол елді мекеннің тұрғыны, шабуылдаушылар жеке ауладан 5 бас ұсақ мал ұрлағанын айтты. Иесі залалды 300 мың теңгеге бағалады.

Екі факті бойынша полицейлер ҚР ҚК-нің 188-1-бабы (Мал ұрлығы) бойынша сотқа дейінгі тергеу бастады. “Мал ұрлығы” жедел алдын алу іс-шарасы аясында Целиноград ауданы мен астананың аумағында криминалдық полиция қызметкерлері жедел-іздестіру іс-шараларының кешенін өткізді, нәтижесінде Қажымұқан ауылының екі тумасы анықталып, ұсталды. Тергеу іс-шаралары барысында ұсталғандардың елді мекенге, жалға алынған автокөлікпен келгені, малды ұрлап әкеткені, содан кейін сойғаны анықталды.

Заттай дәлелдемелер ретінде ұрланған малдың терілері, сондай-ақ ұсталғандардың сатуға үлгермеген үш тұтас еті тәркіленді. Осындай қылмыстық жолмен ұсталғандардың бірі, алдағы үйлену тойына ақша тапқысы келгені анықталды.

Бөлісу:
Telegram Қысқа да нұсқа. Жазылыңыз telegram - ға