Жаңалықтар

Таразда металлургиялық зауыт салынады

Таразда металлургиялық зауыт салынады
Фото: Жамбыл облыстық әкімдігі 23.06.2024 13:46 297

Жамбыл облысының әкімі Ербол Қарашөкеев «Азия Метал Проф» ЖШС директоры Дамир Бахроновпен кездесу өткізді, деп хабарлайды El.kz ақпарат агенттігі.

Жамбыл облысы әкімдігінің мәліметінше, тараптар инвестициялық жобаны жүзеге асыру барысын талқылады. Жоспарлы жоба металлургия құрылысына арналған қара металды қайта балқыту, шаршы дайындамаларды өндіру және жұқа қаңылтыр мырышталған болат пен полимерлі болат өндірісіне негізделген зауыт салу көздейді.

Жоба құны 50 млрд теңгеден асады. Зауыт «Тараз» индустриялық аймағында салынады. Жер учаскелері белгіленіп, тиісті құжаттарға қол қойылды. Жобалық-сметалық құжаттаманы әзірлеу жұмыстары басталды. Басқосуда жоба жетекшісі Шавкат Махмудов та жоспарлы шаралармен таныстырды, - делінген мәліметте. 

Кездесу барысында тараптар электр энергиясы, инженерлік-көлік инфрақұрылымымен қамтамасыз ету мәселесіне тоқталды.

Облыс әкімі инвесторға жан-жақты қолдау көрсетілетініне сендіріп, экологиялық заңнама талаптарын сақтаудың маңыздылығын атап өтті.

Бөлісу:
Telegram Қысқа да нұсқа. Жазылыңыз telegram - ға