Тараз дәрігерлері қыздың асқазанынан 1 келі кесек шаш алып шықты
Анасының айтуынша, қыз бала кезінен шашты, жүннен жасалған бұйымдарды жұтатын әдеті болған, деп хабарлайды El.kz ақпараттық агенттігі.
Жамбыл облыстық көп бейінді балалар ауруханасының (ЖОКБА) хирургиялық бөлімшесінде Тараз қаласының 12 жастағы тұрғынына сирек диагноз қойылып, соның салдарынан асқазанда шаш кесегі (трихобезоар) жиналды.
Қыздың анасының айтуынша, іштің жиі қайталанатын ауырсынуынан, тәбеттің төмендеуінен, салмақ жоғалтудан кейінгі соңғы 6 айда олар емханаға гастроэнтерологқа барып, ем алды. Алайда, нәтижелер болмаған соң, Тараз қаласының ЖОКБА балалар хирургына консультация алу үшін жүгінді, ауруханада арнайы зерттеп-қараудан (УДЗ, іш қуысының КТ, ФГДЭС) өткеннен кейін асқазанда бөгде зат табылды. Қыз шұғыл емдеуге түсті.
Аспаптық және зертханалық зерттеп-қараулардың нәтижелері толық дайын болғаннан кейін операцияға білікті мамандардың операциялық бригадасы - хирургиялық бөлімшенің меңгерушісі Эльбрус Салпағаров, операциялық бөлімшенің меңгерушісі Қанат Дүйсебаев және анестезиолог Бақтияр Баялиев кіріседі.
Хирургиялық араласу кезінде пациенттің асқазанынан шамамен 1,2 кг бөгде зат – трихобезоара (шаш кесегі) алынды. Мамандардың біліктілігі ішкі ағзаларға зақым келтірместен асқазан-ішек жолдарының тұтастығын сақтауда маңызды рөл атқарды. Қазір қыз операциядан кейін қалпына келеді.
Анасының айтуынша, қыз бала кезінен шашты, жүннен жасалған бұйымдарды жұтатын әдеті болған.
Асқазан-ішек жолдарының трихобезоары өте сирек кездесетін патология болып табылады, сондықтан қазіргі іш хирургиясындағы ең өзекті мәселелердің бірі болып табылады. Асқазанның безоары ауыр және өмірге қауіп төндіретін асқынулар тудыруы мүмкін екенін білу керек.
Ата - аналардың балалардың патологиялық мінез-құлық реакцияларына ерекше назар аударуы және жоғарыда аталған әдеттер болған жағдайда, уақытты созбай, психологтарға (психотерапевттерге), невропатологтарға, гастроэнтерологтарға жүгіну өте маңызды.
Қысқа да нұсқа. Жазылыңыз telegram - ға