Жаңалықтар

Талдыкөл ауылының тұрғындары қайықпен тасымалданды

Талдыкөл ауылының тұрғындары қайықпен тасымалданды
Фото: Атырау облысының ТЖ жөніндегі жедел штабы 24.05.2024 15:33 352

Махамбет ауданына қарасты Талдыкөл ауылында су деңгейі көтеріліп, ауылға кірме жолды су басып кетті, деп хабарлайды El.kz ақпарат агенттігі.

Осыған байланысты, тұрғындардың Атырау қаласымен қатынасын үзбеу үшін, ТЖД мамандары қайық арқылы тасымалдау қызметін ұйымдастырып отыр. Бейбарыс ауылдық округінің әкімі Сейілбек Зұлхашев хабарлағандай, қазіргі уақытта Талдыкөл ауылына су басу қаупі төніп тұрған жоқ.

Қосымша бекіту жұмыстары үзіліссіз жүруде. Қайық тасымалы тұрғындардың қаламен байланысын үзбеу үшін ұйымдастырылып отыр.
Қауіпсіздікті қамтамасыз ету мақсатында, Талдыкөл ауылында Қорғаныс министрлігінің 59 сарбаз, Төтенше жағдайлар министрлігінің 17 қызметкері және арнайы техникалар жұмылдырылуда.                                                                         

Бұған дейін хабарлағанымыздай, Талдыкөл ауылынан алдын ала 207 тұрғын Атырау қаласындағы эвакопунктке эвакуацияланған болатын. 422 адам өз қалауымен туыстарының үйіне орналасты.

 

Бөлісу:
Telegram Қысқа да нұсқа. Жазылыңыз telegram - ға