Жаңалықтар

Су тасқыны: Жылыойдағы отбасыларға 1,2 миллиард теңге төленді

Су тасқыны: Жылыойдағы отбасыларға 1,2 миллиард теңге төленді
Фото: t.me/oper_shtab_atyrau 23.04.2024 11:08 455

Жылыойдағы су тасқынынан зардап шеккен отбасыларға 1,2 миллиард теңгеден астам қаражат төленді, деп хабарлайды El.kz ақпарат агенттігі. 

Бұл туралы Атырау облысының әкімі Серік Шәпкенов мәлімдеді. Жылыой аудандық жұмыспен қамту және әлеуметтік бағдарламалар бөлімінің қызметкерлері су тасқынынан зардап шеккен отбасылардың өтініштерін тәулік бойы өңдейді.

Қазіргі уақытта ауданның 3398 тұрғынынан біржолғы материалдық көмек алуға өтінімдер келіп түсті.

Жылыой ауданынан 3271 отбасына жалпы сомасы 1 267 653 200 тг теңгеге 100 АЕК мөлшерінде біржолғы материалдық көмек төленді. Жергілікті тұрғындардан өтініштер қабылдау жалғасуда, - деді Серік Шәпкенов.
Бөлісу:
Telegram Қысқа да нұсқа. Жазылыңыз telegram - ға