Жаңалықтар

СҚО-да бойжеткен синтетикалық есірткімен ұсталды

Бұл туралы polisia.kz сайты мәлімдеді
СҚО-да бойжеткен синтетикалық есірткімен ұсталды
Фото: zhasalash.kz 18.10.2022 17:25 1370

Солтүстік Қазақстан облысында есірткіні белгілі орындарға жасырып, оны табыс көзіне айналдырған 24 жастағы бойжеткен ұсталды. Бұл туралы El.kz polisia.kz сайтына сілтеме жасап хабарлайды.

Бойжеткен Петропавлда жалдамалы пәтерлерде тұрып келген. Тәртіп сақшыларына оның есірткіні белгілі орындарға жасырып, содан пайда тауып жүргені жайында ақпарат келіп түскен.

Жедел-іздестіру іс-шаралары нәтижесінде ол ұсталды. Бойжеткеннен ұнтақ тектес зат салынған полимерлік пакет алынды. Сараптама ол заттың салмағы 49 грамм болатын синтетикалық есірткі - мефедрон екенін көрсетті, бұл аса ірі көлемге жатады. Бұл 500-ге жуық адамды нашақорлықтың торына түсіруге жеткілікті мөлшер.

Аталған факті ҚР Қылмыстық кодексінің 297-бабы 3-бөлігі «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша Сотқа дейінгі тергеп-тексерудің бірыңғай тізіліміне енгізілді.

«Ұсталған бойжеткен қамауға алынды. Жалпы жыл басынан облыста есірткіні сатуға қатысты 49 дерек тіркелді. Заңсыз айналымнан 383 кг түрлі есірткі алынды, оның ішінде 1,548 кг синтетикалық есірткі», - дейді СҚО Полиция департаменті Есірткі қылмысына қарсы іс-қимыл басқармасы бастығы Иван Терзиди.

Бөлісу:
Telegram Қысқа да нұсқа. Жазылыңыз telegram - ға