Синоптиктер алдағы үш күннің ауа райы болжамын жариялады
Фото: pixabay.com
Фото: pixabay.com
27.03.2023 13:54
499
Қазақстан аумағының батыс бөлігі төмен қысымның ықпалында болып, күн құбылмалы болады, деп хабарлайды El.kz ақпараттық агенттігі.
Бұл туралы «Қазгидромет» РМК мәлімдеді.
«Фронталды бөліктердің өтуімен 29 наурызда солтүстікте, күндіз орталықта, 29-30 наурызда шығыста жауын-шашын (жаңбыр, қар), 30 наурызда күндіз қалың қар жауып, жаяу бұрқасын болады. 29-30 наурыз күндері еліміздің оңтүстігінде, оңтүстік-шығысында найзағай жарқылдап, жауын жауады», - делінген хабарламада.
Сонымен қатар республика бойынша тұман болып, жел күшейеді. Оңтүстік-батыста шаңды дауыл, солтүстік пен шығыста - көктайғақ күтіледі.
30 наурызда еліміздің солтүстігінде, шығысында және орталығында ауа температурасы күндіз 5 градус аязға дейін төмендейді деп күтілуде.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
«Шымбұлақ» тау шаңғы курорты Гиннестің рекордтар кітабына енді
Келесі жаңалық
Еліміздің көптеген аумағы жауын-шашынсыз болады