Жаңалықтар

Шымкент тұрғыны қыздарды жезөкшелікпен айналысуға тартқан

Шымкент тұрғыны қыздарды жезөкшелікпен айналысуға тартқан
Фото: t.me/POLICE_of_KZ 01.12.2023 12:44 624

Шымкентте полицейлер үш притонды жойды, деп хабарлайды El.kz ақпарат агенттігі.

ҚР ІІМ мәліметінше, арнайы операция жүргізу барысында жеңгетайлықпен айналысқан жергілікті тұрғынды ұстады. 31 жастағы әйел притон ұйымдастыру үшін қала аумағында 3 пәтерді ұзақ мерзімге жалға алған. Онда интимдік қызмет көрсететін 10 қыз болған, оның біреуі кәмелет жасқа толмаған қыз екені белгілі болды. Олар Шымкент, Тараз, Алматы, Қостанай қалаларының тұрғындары.

Сондай-ақ күдіктінің тұрғылықты мекенжайын тексеру барысында ірі мөлшерде мефедрон тәркіленді.

Аталған деректерге қатысты ҚР ҚК-нің 309-бабы 2-бөлігі (Жезөкшелiкпен айналысуға арналған притондар ұйымдастыру немесе оларды ұстау және жеңгетайлық) мен ҚР ҚК-нің 296-бабы 3-бөлігі (Ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша сотқа дейінгі тергеу амалдары жүргізіліп жатыр, - делінген мәліметте.

Күдікті әйел қамауға алынды.

Бөлісу:
Telegram Қысқа да нұсқа. Жазылыңыз telegram - ға