Жаңалықтар

ШҚО-да су тасқынының алдын алу: 174 көпір қардан тазартылған

ШҚО-да су тасқынының алдын алу: 174 көпір қардан тазартылған
Фото: Бейнежазбадан скриншот 05.03.2024 02:27 441

Шығыс Қазақстан облысында су тасқынының алдын алу үшін 174 көпір қардан тазартылып, өңірдегі қала, ауылдардың көшелерінен 168,6 мың текше метр қар шығарылды, деп хабарлайды El.kz ақпарат агенттігі Kazinform.kz-ке сілтеме жасап. 

Облыстық Төтенше жағдайлар департаменті баспасөз қызметінің мәліметіне сүйенсек, су тасқыны жағдайына үздіксіз мониторинг жүргізілуде. Қазіргі уақытта жағдай тұрақты.

Жергілікті атқарушы органдар ұзындығы 181 шақырымды құрайтын 170 канал мен арықты, 783 су өткізу құрылысын, 174 көпірді қардан тазартты. Жалпы өңірдегі қала, ауылдардың көшелерінен 168,6 мың текше метр қар шығарылды. 1 ақпаннан бастап облыс әкімінің өкіміне сәйкес жоғары дайындық режимі жарияланған. Жағдай қиындаса 2334 адам, 735 техника, 50 жүзу құралы мен 223 мотопомпа жедел әрекет ету үшін сақадай сай тұр, - деп жазылған ақпаратта.

Бөлісу:
Telegram Қысқа да нұсқа. Жазылыңыз telegram - ға