Қазақстандықтар әлеуметтік желіде Sen Sulu брендіне жаппай бойкот жариялап жатыр. Мәселенің төркіні – брендтің жаңа өнімін ресейлік блогер Валя Карнавалдың жарнамалауы.
Валя Карнавал кім?
Посмотреть эту публикацию в Instagram
Ол несімен қазақтарға жақпай қалды?
Есіңізде болса, Валя Карнавал 2024 Қазақстанға келіп, «Вдох-Выдох» әніне бейнебаян түсірді. Сонда әлеуметтік желіде оның түсірілім жұмысы кезінде алаңда бірде бір қазақтың болмауын қадағалағаны туралы айтылды. Артынша блогер өзіне жала жабылғанын, осы алып-қашпа сөзді таратқан адамды жауапқа тартатынын атап өтті. Десе де қазақстандықтар Карнавалдың бұл мәлімдемесіне сеніңкіремей, әншіге байокт жариялауды бастаған.
Арада екі жыл өткен соң, отандық танымал бренд Sen Sulu жаңа өнімін таныстырады. Кімді түсірді десеңіз, кірпік бояйтын өнімнің жарнамасына Валя Карнавалды таңдап алады. Косметика брендінің маркетологтары мұны «ТМД нарығына шығу» деп түсіндіреді. Бірақ әлеуметтік желі қолданушылары брендке жаппай байкот жариялап жатыр. Біріншіден, елімізде қаншама атақты әрі сұлу қыздар бола тұра, Валя Карнавалды жарнамаға шақырғанына наразы. Екіншіден, өнімге жауапты тұлғалардың түсініктемені тек орыс тілінде жазып, қазақшаға пысқырмайтынын білдіргеніне ашулы. Оған қоса Карнавалдың Ресей мен Украина арасындағы соғысты «қолдайтынын» жарыса жазып жатқандар бар.
Қазақ тілі үшін күрес
Sen Sulu косметика брендінің төңірегіндегі дау тіл үшін күрестің алаңына айналды. Өйткені брендтің жарнама бөлімінде жұмыс істейтін маркетологтар әлеуметтік желіде орысша мәлімдеме жасады. Осы әрекет ашу қысып тұрған халықты одан сайын сансыратты. Әлеуметтік желіде Ләйлә Сұлтанқызы, Роза Әшірбаева сынды танымал адамдар түсініктемені қазақша жазуға болатынын ескертті.
Маркетолог Азиза Сабырова Sen Sulu брендінің қателігі – ұлттың қолдауымен көтеріліп тұрып, оған қарсы әрекет еткендей әсер қалдыруында деп отыр.
Мәселе Валя Карнавалдың жарнамаға түсуінде емес. Мәселенің төркіні тереңде жатыр. Бұл бренд халықтың жергілікті өнімге көрсеткен қолдауының арқасында танымал болды. Енді тұтынушыларына сол қолдауды аяқасты еткендей әсер қалдырды. Маркетологтар аудитория таңдар тұста осыны ескеруі керек еді. Оған қоса әлеуметтік желідегі 5-10% жағымсыз пікірдің өзі – белгі. Тұтынушының не қалайтынын, өніміңді не үшін жақсы көргенін зерттеу – маркетингтің басты құралы, – деді маркетолог.
