Жаңалықтар

Республикалық пән олимпиадасына 15 мыңнан аса оқушы қатысып жатыр

Бұл туралы Оқу-ағарту министрлігі мәлім етті
Республикалық пән олимпиадасына 15 мыңнан аса оқушы қатысып жатыр
Фото: sn.kz 13.02.2023 17:55 991

Қазақстанда жалпы білім беретін пәндер бойынша республикалық олимпиаданың облыстық кезеңі басталды. Биыл зияткерлік сайыстар электронды форматта өтуде.  Оған барлық қалалар мен аудандардан 15 651 оқушы қатысады, деп хабарлайды El.kz ақпараттық агенттігі.

Республикалық олимпиаданың үшінші кезеңі 13-18 ақпан аралығында өтеді.  Ұйымдастырушылар ашықтықты қамтамасыз ету үшін сайыс екінші жыл қатарынан электронды форматта өткізілуде.

«Өткен жылдан бері олимпиада «El Umiti Digital Online Platform» ақпараттық жүйесінде веб-камерадан фото түсіру және минут сайын скриншот арқылы прокторинг қызметін пайдалану арқылы электронды форматта өткізіліп келеді.  Мектеп оқушыларына тапсырмаларға қол жеткізу үшін жауап бланкілері, жеке логиндер мен парольдер беріледі», - дейді «Дарын» Республикалық ғылыми-практикалық орталығы директорының міндетін атқарушы Ғаждембек Тұрсынов.

Айта кетейік, олимпиада «1 компьютер – 1 оқушы – 1 камера» қағидасы бойынша өткізіледі.  Жарыстың тікелей трансляциясы мен түсірілімі YouTube арналарында қолжетімді.  Олимпиаданың ашық өтуін бақылау үшін «Адалдық алаңы» ҚБ, облыстардың сыбайлас жемқорлыққа қарсы қызметінің өкілдері, жоғары оқу орындарының оқытушылары мен ата-аналар қауымы шақырылған.
Зияткерлік сайыс 15 пән бойынша соның ішінде  математикалық және гуманитарлық бағытта өтеді. Үшінші кезеңге еліміздің барлық өңірлерінен  15 651 оқушы қатысады.

ҚР Оқу-оғарту министрлігінің «Дарын» республикалық ғылыми-практикалық орталығы еліміздегі дарынды мектеп оқушыларын анықтау, оларды шыңдап, дамыту және кәсіби қолдау көрсету саласындағы флагман. Бүгінде орталықта әртүрлі деңгейдегі 70-ке жуық пәндік олимпиадалар ұйымдастырылып, өткізілуде.

Бөлісу:
Telegram Қысқа да нұсқа. Жазылыңыз telegram - ға